وجوه مع جمال حور - ياسين الصبار - yassine essbbar
جمال الحور
وجه
اليوم شاب جميل ومبدع ياسين الصبار تزاد سنة 1990 بأنزا مدينة أگادير. كبر
وسط عائلة فنية وهذا لي خلا ياسين إرتبط بالفن منذ نعومة أضافره ،، قرا
وكبر فتدارت حتى وصل الباكالوريا وضحى بقرايتو باش إعطي كامل وقته للفن،،
ياسين كايعزف على الگيتار وكايمارس المسرح والسينما وكايدير التنشيط
،وكايخدم تقني صوت خدم فمجموعة من الأعمال مغربية ناجحة كلالة العروسة،
إويز ن تيس تامت،، تيمنسيوين ن رمضان ، ساهم في دبلجة العديد من الأعمال
الفنية وندكر منها كدبتي الجميلة، المسلسل التركي الذي لعب فيه دور البطل.
بدأ مشواره المسرحي سنة 1997 اي يالله فعمرو سبع سنوات ،، كانت البداية مع جمعية الصداقة للمسرح المدرسي، بعدها التحق بجمعية البحث والتبادل الثقافي فرع أنزا ومنظمة تماينوت وهناك بدأ بصقل الموهبة ديالو وغايتكون أكثر ،، خدم مع بزااااف ديال الجمعيات كمنشط ومؤطر من بينهم تامونت ن ءيفوس ،، جمعية البحث والتبادل الثقافي ( الشواهد ديال الجمعيات كايصيفط حتى قلت ليه حبس ههههه) . الأساتذة الذين تلمذ على يديهم ولي كايعترف بالجميل ديالهم "حبيب سيدينو "فارس سارور " مبارك الديب "يوبا أوبركا "بوقسيم عبدو "طيب بلوش " عبدو ازضوض "الهزمير رشيد "هشام دابالي ،، عزيز المالع.
الأعمال المسرحية والسينمائية لي لعب فيها ،، الفيرس، تلاس د ايميك ،، إزمولن،، بطل مسرحية أوكلان ن تغوفي ،، للمخرج يوبا أوبركا المستوحاة من حياة هرمي الثقافة والإبداع الأمازيغيين ،، الشاعر والمؤرخ علي صدقي أزايكو والفنان عموري مبارك ،،هذا العمل حقق نجاحا كبيرا ودارو به جولة داخل الوطن وخارجه،، بالنسبة للأعمال السينمائية بطل فيلم اسيگل لمخرجه عبد العزيز أو السايح،، فيلم قصير لمخرجه عزيز المالع ،،إيويس ن أونافال إخراج مسعود بوگرن،، لا لة تعلات إخراح مسعود موگارن،، أوشن للمخرج مراد الخوضي هادو أفلام كلهم لعب فيهم دور البطولة،، الأدوار القصيرة حديدان فگيليز أغبالو لمصطفى أشاوور ... ياسين من بين الفنانين القلائل لي كايلبس الدور ومغاتحس بأنه كايمثل،، عاونو المظهر ديالو وملامح وجهو والصوت والتكوين المسرحي في التألق فجميع الأعمال لي شارك فيها وهدشي كا يشهدو به أصدقائه الفنانين و على احترافيته أكثر من الجمهور حيث كايعرفو غا القليل،، وبما أن ياسين موهوب ومحترف علاش مكانشفوهش فالشاشة وعلاش ماخداش حقو وعلاش كانشوفوا واحد متكون وكايمارس الفن وهو مزال طفل ماخدامش،، ولكن في نفس الوقت كانشوفو وجوه أخرى لا يربطها بالفن غالخير والإحسان وتلقاه عمرو طلع فوق الخشبة وتسولو الفرق بين التشخيص والإرتجال مغايعرفوش وكاينين فالشاشة،، هذ السؤال غايجاوبنا عليه ياسين :
رأي ياسين في الوضع الحالي للفن الأمازيغي ؟
الفن الأمازيغي شاد طريق مزيانة على جميع المستويات لا تقنيا لا فالجتب ديال الإخراج والقصة والتمثيل... فقط الفن الأمازيغي في حاجة إلى الناس باغيين إطوروه باش يوصل المكانة لي خاصو يوصل،، ومغانكونوش عدميين باش نقول مكاين والو كاينين أشخاص عندهم غيرة على الفن الأمازيغي وكايخدمو من نيتهم وكاينين كفاءات ووجوه شبابية صاعدة ولكن نذرا فين كاتلقى يد المساعدة.
غياب ياسين عن الشاشة ؟
قلة ظهوري في الأعمال السينمائية المغربية يكمن اعتباره إلى حد ما اختياري، حاليا كانشتغل على مجموعة ديال المشاريع الفنية لي غاتبان ملي يوصل الوقت المناسب، جزء كبير من الوقت كانوفرو أيضا للبحث و اكتساب 'مهارات اليوم' في المجال، وهذا ربما غايخليني نقدر نتحكم من عملية الإنتاج بشكل أكبر خصوصا في الويب هادشي كلو غايضمن ليا حرية أكثر في الإبداع دون الخضوع إلى سلطة وأفكار الاخرين.
رسالة ياسين للناس لي عندهم مواهب ولكن مالقاوش يد المساعدة؟
انا غادرت الدراسة في سن مبكر باش نعطي كامل الوقت للفن وخا هو مزال ماعطاني وقاومت واجتهدت وتعلمت وباقي كنقاوم إلى الآن ماشي كرهت نقتل فيا الفن ولكن مانقدرش داكشي علاش غانبقى نقاوم حيث كانبغيه وكانلقى فيه راحتي،، لي عندو شي موهبة إتشبث بها وإجتهد أنه يصقلها أكثر ويتمشى بخطوات تابثة ،،وييتحدى اي حاجة غاتعرقلو، حتى وإن وصلت ولقيتي أحلامك وطموحك كان أكبر بزاااف على الواقع على الأقل، سوف تفتخر بانتصارك في التحدي.